കാസര്ഗോഡ് ജില്ലയെ അറിയാന്
(അവലംബം വിക്കിപീഡിയ)
പേരിനു പിന്നില്
- കാഞ്ഞിരക്കൂട്ടം എന്നർഥം വരുന്ന കുസിരകൂട് എന്ന കന്നഡ വാക്കില്നിന്നാണ് കാസറഗോഡ് എന്ന പേരു ലഭിച്ചതെന്നു കരുതുന്നു.മലയാളികളും അതിനു സമാനമായ കാഞ്ഞിരോട് എന്ന പേരില് കാസറഗോഡിനെ വിളിച്ചിരുന്നതായി പഴമക്കാരിൽ നിന്നും മനസ്സിലാക്കാം.
- സംസ്കൃതപദങ്ങളായ കാസറ(kaasaara , കുളം, തടാകം ),ക്രോദ(kroda, നിധി സൂക്ഷിച്ചിരിക്കുന്ന സ്ഥലം) എന്നീ വാക്കുകളിൽനിന്നാണ് ഈ പേരു വന്നതെന്നും വാദമുണ്ട് [7]
ചരിത്രം
ഒൻപതാം നൂറ്റാണ്ടിനും പതിനാലാം നൂറ്റാണ്ടിനും ഇടയില് ഇവിടെ സന്ദര്ശിച്ച അറബികള്ഹർക്വില്ലിയ(Harkwillia)എന്നാണ് ഈ പ്രദേശത്തെ വിളിച്ചിരുന്നത്. 1514-ൽ കുംബള സന്ദർശിച്ച പോർത്തുഗീസ് വ്യാപാരിയും കപ്പൽ സഞ്ചാരസാഹിത്യകാരനുമായിരുന്ന ബാർബോസ, ഇവിടെനിന്നും മാലദ്വീപിലേക്ക് ഇവിടെനിന്നും അരി കയറ്റിയയച്ചിരുന്നതായി രേഖപ്പെടുത്തിയിട്ടുണ്ട്. 1800-ൽ മലബാർ സന്ദർശിച്ച ഫ്രാൻസിസ് ബുക്കാനൻ, അത്തിപ്പറമ്പ്, കവ്വായി, നീലേശ്വരം, ബേക്കൽ, ചന്ദ്രഗിരി, മഞ്ചേശ്വരം എന്നീ സ്ഥലങ്ങളെകുറിച്ച് തന്റെ സഞ്ചാരക്കുറിപ്പുകളിൽ രേഖപ്പെടുത്തിയിട്ടുണ്ട്. വിജയനഗരസാമ്രാജ്യം കാസറഗോഡ് ആക്രമിച്ചപ്പോൾ ഇവിടെ നീലേശ്വരം ആസ്ഥാനമാക്കിയുള്ള കോലത്തിരി രാജവംശത്തിന്റെ ഭരണമായിരുന്നു. വിജയനഗരസാമ്രാജ്യത്തിന്റെ പതനകാലത്ത് ഇക്കേരി നായ്ക്കൻമാരായിരുന്നു ഭരണകാര്യങ്ങൾ നടത്തിയിരുന്നത്, വെങ്കപ്പ നായകിന്റെ കാലത്ത് ഇക്കേരി വിജയനഗരസാമ്രാജ്യത്തിൽനിന്നും സ്വതന്ത്രമായി . കുംബള, ചന്ദ്രഗിരി, ബേക്കൽ എന്നീ കോട്ടകൾ ശിവപ്പ നായ്ക്നിർമ്മിച്ചതാണെന്നു കരുതപ്പെടുന്നു.1763-ൽ ഹൈദർ അലി ഇക്കേരി നായ്ക്കൻമാരുടെ ആസ്ഥാനമായിരുന്ന ബീദനൂർ ആക്രമിച്ചു കീഴടക്കി. പിന്നീട് ടിപ്പു സുൽത്താൻ മലബാർ മുഴുവൻ കീഴടക്കി. 1792-ലെ ശ്രീരംഗപട്ടണം ഉടമ്പടി അനുസരിച്ച് തുളുനാട് ഒഴികെയുള്ള പ്രദേശങ്ങൾ ബ്രിട്ടീഷുകാർ കൈക്കലാക്കി, ടിപ്പുവിന്റെ മരണാനന്തരം തുളുനാടും ബ്രിട്ടീഷുകാരുടെ ഭരണത്തികീഴിലായി. [8]കോട്ടകളും നദികളും
ചെറുതും വലുതുമായ നിരവധി കോട്ടകളും നദികളും കാസറഗോഡ് ജില്ലയുടെ പ്രത്യേകതയാണ്. ബേക്കൽ, ചന്ദ്രഗിരി, ഹോസ്ദുർഗ്, കുമ്പള, പനയാൽ, കുണ്ടങ്കുഴി, ബന്തഡുക്ക തുടങ്ങിയ സ്ഥലങ്ങളിലുൾല കോട്ടകൾ ഈ പ്രദേശത്തിന്റെ ചരിത്രപരമായ പ്രാധാന്യത്തെ കാണിക്കുന്നു. കൂർഗിലെ പട്ടിമലയിൽ നിന്നും ആരംഭിച്ച് തളങ്കരയിൽ വെച്ച് സമുദ്രത്തോടു ചേരുന്ന 105 കിലോമീറ്റര് നീളമുള്ള ചന്ദ്രഗിരിപ്പുഴ (പയസ്വിനി) യടക്കം പന്ത്രണ്ട് നദികൾ കാസറഗോഡ് ജില്ലയിലുണ്ട്. ചന്ദ്രഗുപത സാമ്ര്യാജ്യത്തിന്റെ അധിപതിയായിരുന്ന ചന്ദ്രഗുപ്ത മൗര്യൻ കൊട്ടരം വിട്ട് ജൈനസന്യാസിയായി തന്റെ അവസാന നാളുകള് ചെലവഴിച്ചിരുന്നത് ഈ പ്രദേശത്തായിരുന്നു എന്നു വിശ്വസിക്കപ്പെടുന്നു. അതിൽ നിന്നുമാണ് ചന്ദ്രഗിരിപ്പുഴയ്ക്ക് ആ പേരു കിട്ടിയതെന്നു വിശ്വസിക്കുന്നു. 64 കിലോമീറ്റർ നീളമുള്ള കാര്യങ്കോട് പുഴയാണ് നീലത്തിന്റെ കാര്യത്തില് രണ്ടാം സ്ഥാനത്തു നില്ക്കുന്നത്. കാര്യങ്കോടുപുഴയെ തേജസ്വിനി പുഴ എന്നും വിളിക്കുന്നു. കാക്കടവ് എന്ന സ്ഥലത്ത് സ്ഥാപിച്ചിട്ടുള്ള ഡാം ഈ പുഴയ്ക്കു കുറുകേയാണ്. മറ്റുള്ള പുഴകള് യഥാക്രമം ഷിറിയ പുഴ (61 കിലോമീറ്റര്), ഉപ്പള പുഴ (50 കിലോമീറ്റര്), മൊഗ്രാൽ (34 കിലോമീറ്റര്), ചിത്താരിപ്പുഴ(25 കിലോമീറ്റര്), നിലേശ്വരം പുഴ (47 കിലോമീറ്റര്), കാവായിപ്പുഴ(23 കിലോമീറ്റർ), മഞ്ചേശ്വരം പുഴ(16 കിലോമീറ്റർ), കുമ്പള പുഴ(11 കിലോമീറ്റർ), ബേക്കൽ പുഴ(11 കിലോമീറ്റർ) and കളനാട് പുഴ(8 കിലോമീറ്റർ)പഞ്ചായത്തുകളും മുനിസിപാലിറ്റികളും
ജില്ലയിൽ മൂന്ന് മുനിസിപാലിറ്റികളും 38 പഞ്ചായത്തുകളും ഉണ്ട്. അവ യഥാക്രമം താഴെ കൊടുത്തിരിക്കുന്നു.പേര് | പേര് | പേര് | പേര് | ||||||
---|---|---|---|---|---|---|---|---|---|
1 | മഞ്ചേശ്വരം | 11 | ബദിയഡുക്ക | 21 | പള്ളിക്കര | 31 | കിനനൂർ - കരിന്തളം | ||
2 | വോർക്കാഡി | 12 | കുമ്പഡാജെ | 22 | ബേഡഡുക്ക | 32 | ബളാൽ | ||
3 | മീഞ്ച | 13 | ബേലൂർ | 23 | കുറ്റിക്കോൽ | 33 | നിലേശ്വരം മുനിസിപാലിറ്റി | ||
4 | മംഗൽപാടി | 14 | കാസറഗോഡ് മുനിസിപാലിറ്റി | 24 | അജാനൂർ | 34 | കയ്യൂർ - ചീമേനി | ||
5 | പൈവളികെ | 15 | ചെങ്കള | 25 | പുല്ലൂര് - പെരിയ | 35 | വെസ്റ്റ് എളേരി | ||
6 | കുമ്പള | 16 | കാറഡുക്ക | 26 | കോടോം - ബേളൂർ | 36 | ഈസ്റ്റ് എളേരി | ||
7 | പുത്തിഗെ | 17 | ചെമ്മനാട് | 27 | 37 | ചെറുവത്തൂർ | |||
8 | എൻമകജെ | 18 | മുളിയാർ | 28 | പനത്തടി | 38 | വലിയപറമ്പ | ||
9 | മൊഗ്രാൽ - പുത്തൂർ | 19 | ദേലംപാടി | 20 | കള്ളാര് | 29 | കാഞ്ഞങ്ങാട് മുനിസിപാലിറ്റി | 39 | പടന്ന |
10 | മധൂർ | 20 | ഉദുമ | 30 | മടിക്കൈ | 40 | പിലിക്കോട് | ||
41 | തൃക്കരിപ്പൂര് |
നിയമസഭാമണ്ഡലങ്ങള്
- മഞ്ചേശ്വരം നിയമസഭാമണ്ഡലം
- കാസർഗോഡ് നിയമസഭാമണ്ഡലം
- ഉദുമ നിയമസഭാമണ്ഡലം
- കാഞ്ഞങ്ങാട് നിയമസഭാമണ്ഡലം
- തൃക്കരിപ്പൂർ നിയമസഭാമണ്ഡലം
No comments:
Post a Comment